قلتَ لككْ ـأإسفْ

قلت لكك آسف وعني مارضيتْ = ويششْ اسويلك لجل ترضى علي

كنتْ اجس النبض والله ماخطيتْ = في دعابهه وانت ودكك تزعلي

يامقفي شكلك لغيري لقيت = وجاتْ لكك فرصه سببها ترحلي

يامعنيني ليا منكك نويتْ = بالرحيل اللي صداه يزلزلي

ارفق بحالي ترى منك اكتويتْ = ونار هجركك وسط قلبي تصطلي

ماشكيتْ الا لربي ماشكيتْ = ( والله الوالي ولا غيره ولي )

وماهقيت الصد منك ماهقيت = ارجع وتذكر كلامٍ قلتلي

يومكك اتردد لبو تمام بيتْ = ( مالحبُ الا للحبيب الاولي )

وين عهدكك بالوفا لا ماوفيتْ = وللمواثيق القديمه تجهلي

ضاعت عهود الوفا ياللي جنيتْ = والوفا لهل الوفا ويجملي

كنت اظنكك مخلصٍ لي مادريتْ = انكك المقفي وغدركك مقبلي

كيفْ تنساني وانا اللي مانسيتْ = والله اني في هواكم مبتلي

الخفوق يفز لامنك طريت = وافطنوا فيني ربوعي مَعْ هلي

بعدكمْ مابه ولا يومٍ سليتْ = وجمرتكك وسط الحشا تغلي غلي

ليت تدري وش حصل بعدك ياليت ْ= كان ماتهجر ابن عامر علي